Një krim i rëndë ka ndodhur të shtunën në një familje shqiptare nga Kosova në Gjermani.
Besmir Ademi ka vrarë gruan e tij, Jetmira Bekën, duke e dhunuar deri në vdekje. Nëna e viktimës, ka folur sot dhe ka rrëfyer për torturat që ia ka bërë Ademi, vajzës së saj.
“Që 8 vite e kërcënume prej tyne, jo e mysim sot jo e mysim nesër. Nëse ti thu diçka në familjen tande, ose dahesh prej meje. Ai ka përdor dhunë fizike, dhunë psiçike. Ai ka përdor dhunë që nuk e përdor një serb, se s’po du me përdor fjalën serb se edhe ai është popull, por unë e kam babën e zhdukt prej Serbisë. Po nuk e përdor dhunënë që e përdor Besmir Ademi. Ky është nipi i avokatit Sheremet Ademi. Sheremet Ademi që i mbron të drejtat e njeriut, s’u kanë në gjendje me na thirrë me thanë ka ndodhë qa ka ndodhë, na vjen keq, edhe Jetmirën, që u kanë një çike që nuk mundet me gjet në trojet shqiptare, s’ka thirrë me na kërku falje”, tha ajo.
Ajo ka thënë se vajza e tij është ndarë prej dy muajsh nga ish-partneri i saj, me ndërhyrjen e shtetit gjerman, por sërish Madje tregon ajo ishte torturuar në mënyrat më çnjerëzore nga ish-burri i saj.
“Jetmira është nda që dy muaj prej tij. E ka nda shteti gjerman për shkak të dhunës që ka përdorur Besmir Ademi. Jetmira është dalë prej shtëpisë. Policia e ka kthy Jetmirën në shtëpi se i ka tre fëmijë. Mas 10 ditëve, shteti e ka marrë Jetmirën e ka çu në shtëpi të grave. Ai s’ka mujt me përballu ata pse kjo dahet prej meje. Kjo u kanë e rrehne me kabull të televizorit. U kanë e rrehme me thikë në fytë, me çelësa të kerrit. I ka thanë që nëse dahesh prej meje, ka me ta pre çikën, Ledinën. Që çika e Ledinës i ka 7 vjet”, tha ajo.
