Partia “E Majta” nga Maqedonia e Veriut është pjesë e Samitit botëror të Partisë komuniste të Kinës, që po mbahet në Pekin. Nga vendet e rajoit pjesëmarrës në këtë takim është edhe presidenti serb Aleksandar Vuçiq, që do të mbaj fjalim në mesin e disa udhëheqësve botëror të kësaj linje.
Ngjarja u zhvillua përmes lidhjes dixhitale të mbi 600 partive politike dhe liderëve të tyre, në më shumë se 160 vende të botës. Në hapje të aktivitetit, nga selia e CPC në Pekin, fjalim solemn mbajti Sekretari i Përgjithshëm i Komitetit Qendror të CPC dhe Presidenti i Republikës Popullore të Kinës – Xi Jinping.
Në Samit folën edhe krerë e shteteve dhe qeverive të njohura si komuniste dhe diktatoriale si: Nicolas Maduro (Venezuela), Daniel Ortega (Nikaragua), Cyril Ramaphosa (Republika e Afrikës së Jugut), Aleksandar Vuçiç (Serbi) dhe shumë liderë të tjerë rajonalë.
Në takimin botëror, i cili u mbajt në nivelin më të lartë, u diskutuan tema të rëndësishme: nevoja për të kapërcyer rendin ekzistues neoliberal perëndimor; ballafaqimi me sfidat e reja gjeopolitike; bashkëjetesë paqësore dhe bashkëpunim ndërkombëtar ndërmjet korridoreve; modernizimi i vendeve nëpërmjet rritjes dhe zhvillimit të qëndrueshëm dhe respektimit të sovranitetit të tyre kombëtar; investimet në infrastrukturë; trajtimin e varfërisë dhe sfidave mjedisore; rimëkëmbja nga kriza Covid dhe lindja e pashmangshme e një bote të re dhe më të drejtë shumëpolare.
