“Ministrja Janevska vazhdon me deklaratat e saj tejet skandaloze. Ajo bëri të ditur se në buxhetin e shtetit nuk ka para për transport urban falas për nxënësit dhe gjimnazistët sepse nuk ka pasur bazë për subvencionim për qytetin e Shkupit”, thonë nga E majta.
“Në Ribalancin e votuar nga koalicioni VMRO-VLEN-ZNAM nuk janë paraparë mjete për transport urban falas për të rinjtë dhe as nuk planifikojnë mbulimin e borxhit prej 8 milionë euro ndaj qytetit të Shkupit, prandaj tashmë Ndërmarrjet e Transportit janë shkatërruar financiarisht. Kjo situatë rrezikon rëndë masën e transportit falas për nxënësit dhe gjimnazistët, e cila është me rëndësi jetike për të rinjtë! Shqetësuese është mosinformimi i Janevskës për ekzistimin e kësaj mase, e cila daton që nga viti 2016. Veç kësaj, ministrja me shumë paturpësi dhe injorancë deklaroi se nuk janë të detyruar ta përmbushin sepse nuk kanë premtuar transport falas! Qeveria, e cila në parazgjedhje premtoi ngritjen e standardit dhe fokus serioz tek të rinjtë, jo vetëm që nuk ka plan për përmirësimin e standardit, por me sa duket nis edhe me heqjen e masave të mëparshme, d.m.th. kursim dhe drejtimin e një trill mbi kurrizin e të rinjve! Kërkojmë që Qeveria urgjentisht të shlyejë borxhin ndaj qytetit të Shkupit që ky shërbim kyç për të rinjtë të mos shfuqizohet. Nuk mund të lejojmë që injoranca dhe lojërat politike të kërcënojnë më tej të drejtat dhe mirëqenien e nxënësve të universitetit dhe të shkollave të mesme!
“E majta jo vetëm që do të luftojë për mbrojtjen e masave tashmë ekzistuese që janë në interes të të rinjve, por do të punojë edhe në zgjerimin e tyre, duke përfshirë vendosjen e transportit ndërqytetar plotësisht falas për nxënës dhe studentë”, thuhet në deklaratën nga E majta.
