Fushatës së zgjedhjeve lokale 2025 për raundin e dytë po vjen fundi. Partive dhe kandidatëve i kanë ngelur edhe dy ditë fushatë për të shpalosur programet e tyre në takimet dhe tubimet me qytetarët.
Ndërkohë, nga shtypshkronja “Kiro Dandaro” në Manastir sot do të fillojë shpërndarja 1.013.357 fletëvotimeve për raundin e dytë të Zgjedhjeve Lokale 2025, informoi për MIA-n Komisioni Shtetëror i Zgjedhjeve (KSHZ).
Kryetarët e komunave do të zgjidhen në 32 komuna dhe në Qytetin e Shkupit. Të shtunën do të votojnë të sëmurët dhe të pafuqishmit, të burgosurit dhe personat në arrest shtëpiak, kërkesat e të cilëve janë pranuar nga komisionet komunale zgjedhore. Sipas informacioneve nga KSHZ, zgjedhjet lokale do të monitorohen nga 1.569 vëzhgues, nga të cilët 904 janë vendas dhe 651 janë ndërkombëtarë, ndërsa 14 gazetarë të huaj janë akredituar për të raportuar mbi zgjedhjet.
Në Qytetin e Shkupit, 474,394 votues kanë të drejtë vote dhe duhet të votojnë për kandidatin Orce Gjorgievski, të mbështetur nga VMRO-DPMNE dhe koalicioni dhe Amar Mecinovic nga E Majta. Në raundin e parë të zgjedhjeve, Gjorgievski fitoi 91,663 vota, ndërsa Mecinovic fitoi 30,665 vota. Një raund i dytë i zgjedhjeve lokale do të mbahet edhe në komunat e Shkupit Karposh, Qendër, Aerodrom dhe Shuto Orizarë.(INA)
