Ministria e Jashtme njoftoi se edhe 9 qytetarë të Maqedonisë së Veriut u larguan nga Izraeli, përmes rrugëve të ndryshme të transportit, përkatësisht: katër me fluturim për në Athinë, tre për në Jordani dhe dy për në Beograd.
Numri i përgjithshëm për tre ditët e fundit është rritur në 40 qytetarë të RMV-së që janë larguar nga Izraeli, përcjell INA.
Ambasada e Maqedonisë së Veriut në Tel Aviv tha se është në komunikim të vazhdueshëm me të gjithë qytetarët tanë në Izrael dhe në koordinim me shtabin e krizës në Ministrinë e Punëve të Jashtme. Numri i saktë i qytetarëve tanë që kanë aplikuar për ndihmë për largimin e tyre nga Izraeli po ndryshon vazhdimisht, por aktualisht nuk i kalon 100 qytetarë tanë. (INA)
