“Wizzair”, “Lufthansa” dhe “Aegean Airlines” janë tri kompanitë ajrore që do të ofrojnë destinacione të reja dhe të lira, që subvencionohen nga shteti, përcjell INA.
Për fluturime më të shpeshta e të lira si dhe linja direkte drejt aeroporteve kryesore, qeveria vendosi të japë ndihmë shtetërore për disa kompani, jo vetëm një, si deri tani vetëm për Wizzair.
Ministria e Transportit dhe Lidhjeve theksoi se javën e ardhshme do të bëhet vlerësimi i ofertave të dorëzuara, pas së cilës do të bëhet e ditur nëse të treja do të marrin ndihmë shtetërore.
Të zgjedhurit do të marrin 7 euro për një pasagjer të transportuar nga Aeroporti i Shkupit dhe 4,5 euro nga ai i Ohrit.
Mbështetjen do ta shfrytëzojnë për 3 vite, për të cilën janë ndarë 5 milionë euro dhe vetëm për këtë vit 1.1 milionë euro. (INA)