Shumica e gjermanëve do të dëshironin një javë pune katër-ditore me kusht që numri i orëve të punës të mbetet i njëjtë.
Kjo bëhet e ditur sipas një sondazhi nga Instituti Forsa dhe RTL.
Është një model i miratuar së fundmi në Belgjikë. Punonjësit mund të zgjedhin të punojnë katër ose pesë ditë në javë, por orari i tyre javor i punës nuk ndryshon.
Për shembull, një javë me 40 orë pune mund të bëhet në katër ditë me 10 orë në vend të pesë ditëve me tetë orë punë, përcjell INA.
Belgët e prezantuan atë sepse u jep punëtorëve më shumë fleksibilitet, liri dhe një ekuilibër midis biznesit dhe jetës private.
Sipas sondazhit, 78% e gjermanëve do të donin një model të tillë në Gjermani, gjë që kundërshtohet nga 22% e të anketuarve.
“Modeli belg” ka mbështetjen më të madhe, 81 për qind, në grupmoshën 30 deri në 44 vjeç dhe me arsim të lartë me 75 për qind.(INA)
