Edi Rama: Greqia të pranojë çështjen çame, nuk synojmë Shqipërinë e Madhe, BE të mos vonojë integrimin e Shqipërisë

0

Kryeministri Edi Rama ka kërkuar nga Greqia që të pranojë ekzistencën e çështjes çame. Gjatë një interviste për mediat greke, kreu i ekzekutivit Rama ka komentuar dy prej temave më të përfolura të ditëve të fundit sa i përket negociatave mes Shqipërisë e Greqisë për marrëveshjen me detin, si dhe për çështjen çame. Duke u ndalur tek çështja çame, Rama hodhi poshtë zërat se kjo tenton krijimin e “Shqipërisë së Madhe”. Madje, Rama sqaroi se çështja çame ekziston vetëm si kauzw themelore e të drejtave të bashkëpatriotëve shqiptarë, të cilët dikur jetonin në vendin grek. Sipas tij, çështje territoresh midis Shqipërisë dhe Greqisë nuk ka. “Nga pala greke, kjo çështje/temë është perceptuar/trajtuar si shfaqje e një agjendë të fshehtë nga ana jonë për krijimin e Shqipërisë së Madhe. Dua të jem tepër i qartë, ashtu sikurse jemi dhe me miqtë tanë në Athinë, që një pretendim i tillë territorial thjesht nuk ekziston. Nuk mund të jem dakord më shumë se kaq me ju përveç se çështje territoriale midis Greqisë dhe Shqipërisë nuk mund të ekzistojë. Burimet që e nxisin një fantazi të tillë, që nganjëherë gjejnë vend në cepat e skajshëm/ekstremë të skenës politike, kërcënojnë për të shtrembëruar të vërtetën dhe për të minuar të ardhmen. Pra, duhet që të gjithë të kuptojnë qartë se për aq sa na takon ne këtu në Shqipëri “çështja e çamëve” ekziston vetëm si çështje themelore e të drejtave të bashkëpatriotëve tanë shqiptarë të cilët dikur jetonin në vendin tuaj, dhe asgjë më tepër/më tej”, deklaroi ai.

Marrëveshja e detit

Duke u ndalur tek negociatat e Shqipërisë me Greqinë sa i takon “detit”, kryeministri Edi Rama konfirmoi se ka një marrëveshje mes dy vendeve, ndërsa garantoi se do të jetë e drejtë për të dyja palët. “Jam shumë i kënaqur që ndërsa do kemi rënë dakord, të ulemi në tryezë së bashku dhe të bisedojmë/ diskutojmë, me zemra dhe mendje të hapur, ashtu sikurse bëjnë popujt tanë të cilët jetojnë si fqinjë, si në Shqipëri dhe në Greqi, jo vetëm që mund të zgjidhim çdo mosmarrëveshje dhe keqkuptim të së shkuarës, por mund gjithashtu të gjejmë zgjidhjet më të mira për të ardhmen tonë të përbashkët. Dhe të jemi pranë një marrëveshje për kufirin detar, e cila do të jetë e drejtë dhe për Shqipërinë dhe për Greqinë”, u shpreh ai.

Integrimi i Shqipërisë në BE

Në të njëjtën kohë kreu i ekzekutivit e ndali theksin edhe tek perspektiva evropiane e Shqipërisë, teksa i kërkoi Bashkimit Europian që të mos vonojë integrimin. Dhe për këtë, ai theksoi se Bashkimi Europian ka nevojë për Ballkanin po aq sa Ballkani ka nevojë për BE-në. “Sot, BE-ja ka nevojë për Ballkanin po aq sa Ballkani ka nevojë për BEnë. Kushdo që nuk e beson nuk e kupton në realitet rëndësinë e Ballkanit për paqe dhe stabilitet në Evropë. Unë dëshiroj të dëgjoj nga Këshilli Evropian një strategji të qartë për bashkimin/trupëzimin e Ballkanit me Bashkimin Evropian si pjesë e një strategjie më të gjerë për Bashkimin Evropian. Në një periudhë të ndryshimeve të rëndësishme në botë kemi nevojë për një BE me strategji, me rol udhëheqës botëror/global, e dedikuar ndarë vizionit dhe vlerave të saj, në vend që të drejtohet ndaj taktikave dritëshkurtër të paqarta, dhe pa marrë vendime mbi bazë të kritereve afatshkurtra politike. Shqipëria ka të drejtën e një rekomandimi të drejtpërdrejtë që të hapen negociatat, dhe nuk pres asgjë më pak nga Komisioni i Evropës si fillim dhe nga Këshilli pak më vonë”, nënvizoi kryeministri Edi Rama./Rigels SELIMAN