Efekti Ronaldo, tani edhe Pogba dëshiron të qëndrojë te Man. United

Përveç debutimit me dopietë dhe entuziazmit të jashtëzakonshëm që ka sjellë te Manchester United, Cristiano Ronaldo po ndikon pozitivisht edhe te Paul Pogba, duke ndihmuar jo pak drejtuesit e klubit ta bindin të rinovojë.

Mesfushori francez ka kontratë deri verën e ardhshme dhe deri tani ka refuzuar të gjithë ofertat për rinovim, por afrimi në merkato i lojtarëve si Varane, Sancho e së fundi Ronaldo, e kanë bindur për forcën e skuadrës.

Sipas mediave angleze, vetë Pogba ka autorizuar menaxherin Mino Raiola që të ulet në tavolinë me drejtuesit e “djajve të kuq” për të negociuar për rinovimin e kontratës, natyrisht me shifra më të larta sesa ato që përfiton aktualisht.