Efi Dhedhes është eliminuar të shtunën nga “BBVA”, pas një nominimi të Deas, ku e vendosi atë me Kiarën dhe Luizin.
Ani pse u eliminua ajo ka fituar zemrat e publikut, teksa është cilësuar edhe si luaneshë, shkruan lajmi.net.
Efi gjatë rrugëtimit të saj në këtë format, ka krijuar miqësi të ngushtë me Luizin, e në kuadër të lojës ajo e kishte quajtur atë edhe si liderin e saj.
Pas daljes nga aty, ajo i ka dedikuar këngëtarit një postim motivues, pasi ai e ka përjetuar rëndë daljen e saj e madje edhe është përlotur.
“Nuk je kurrë vetëm kur qëndron pranë të vërtetës, sepse e vërteta është gjithmonë me ty”, ka shkruar Efi teksa e ka etiketuar Luizin.
Efi ka marrë mbështetje të jashtëzakonshme nga publiku dhe personazhe të njohura, teksa atë dhe Luizin e kanë konsideruar dyshen me të fortë ndonjëherë.