Ekskluzive: Lirohet agjenti maqedonas që kishte kontakte edhe me CIA-n edhe me shërbimin rus!

Agjenti maqedonas, Marjanco Efremov pritet të lirohet nga burgu, raporton pravosudstvo.mk. Ai është në burg për shkak të aferes Spiuni, kurse pritet të lirohet për shkaqe shëndetësore, transmeton Gazeta Lajm.

Mediumet kanë shkruar se Efremov, i punësuar në Agjencinë për Zbulim, ka bashkëpunuar me shërbimin serb, grek, hungarez, por se ka pasur kontakte edhe me CIA-n amerikane dhe shërbimin sekret rus. Bashkë me të ishin arrestuar edhe ish-shefi i kabinetit të ish-kryeparlamentarit Trajko Veljanovski, avokatë, gazetari Zoran Bozhinovski dhe disa agjentë të tjerë të shërbimit sekret maqedonas, përfshirë edhe shërbimin ushtarak.  Ata akuzoheshin se po i shisnin sekrete shtetërore shërbimeve të huaja, ndërsa gjithçka realizohej në Athinë dhe Shkup.