“Elbenita Kajtazi në rolin e Manon, magjeps të gjithë në Operën e Hamburgut”

Iliria News Agency
Iliria News Agency

04/02/2022

“Elbenita Kajtazi është dielli, rreth të cilit sillen të gjithë. Vërtet, çfarë debutimi i suksesshëm!”, shkruan revista gjermane Opergestalten.de

Në rolin e Manon, Elbenita Kajtazi është dielli, rreth të cilit sillen të gjithë, edhe kur ajo është e veshur thjesht me stil country dhe jo vetëm kur ka të veshur gëzof dhe veshje të bukura. Vërtet, çfarë debutimi i suksesshëm!, shkruan revista gjermane online për opera, Opergestalten.de.

Në aktin e parë, me djallëzi naive, ajo hyn në skenë me një shportë në duar dhe një çantë shpine, kurioze për botën dhe nuk heziton të provojë gjëra të ndaluara, si alkooli dhe cigaret, transmeton albinfo.ch. Që në fillim ajo mahnit me timbrin e sopranos së saj të pastër kristal, tonet e larta të vendosura pa mundim, tranzicionet e pastra dhe lehtësinë me të cilën ajo kombinon lojën dhe këndimin në një njësi magjepsëse.

Ajo bind si një dashnore e freskët e shkujdesur si dhe një dashnore që nuk i reziston dot tundimit të parave dhe famës. Me delikatesë dhe bukuri ajo intonon „Adieu, notre petite table“.

Në aktin e dytë, Kajtazi gjithashtu frymon nga gëzimi i jetës, duke përdorur zërin dhe gjestet me mjeshtëri për të nxjerrë nga Konti Des Grieux vendndodhjen e djalit të tij. Në skenën e përmendur tashmë në manastir, Kajtazi në fakt arrin të shprehë dëshpërimin e Manon… Së fundi, del që gruaja e cila mund të shijojë vetëm ekstremet, si shumë alkool dhe rrezikun e ruletit rus, bëhet ajo që e kupton se ka mbaruar, përcjell albinfo.ch. Duke qenë afër vdekjes, ajo i njeh gabimet dhe dashurinë e saj.

Përgjatë aktit të pestë, Kajtazi dhe Enea Scala na ofrojnë një moment magjepsës pas tjetrit. Nuk mund të thuhet ndryshe, këtu dy role gjetën dy aktorë të përshtatshëm që u duartrokitën me meritë.

Manon është një operë e kompozuar me dialog të folur, disa skena a cappella në pjesën e parë, arie të bukura dhe gjithashtu ka tema të përsëritura që nënvizojnë dhe sqarojnë emocione dhe situata të ngjashme me lajtmotive.

Dirigjenti Nicolas André dhe Orkestra Shtetërore Filarmonike e Hamburgut si dhe kori i Operës Shtetërore të Hamburgut, janë në nivel. Duke nxjerrë në pah hijeshinë shumë të veçantë të muzikës së Massenet-it, savoir vivre franceze, si dhe pasionin dhe dramën Puccini`ane, duke vendosur thekse me saktësi dhe ndjeshmëri, arrijnë pa mundim të zotërojnë kurthet e vështira të kësaj opere.

TË FUNDIT

ME TE LEXUARA

LEXO MË SHUMË

IMG_1413

Mira Murati bëhet zyrtarisht pjesë e Akademisë së Shkencave të Shqipërisë

vlora-bregdeti-shqiptar

Banka Botërore financon me 80 milionë dollarë projektin për zhvillimin e turizmit në Shqipëri

IMG_1365

VIDEO/ Ministrja serbe e Kulturës lëshon sallën pasi Kosova merr çmim në Biennalen e Venedikut

treni

BE po shpërndanë bileta falas për udhëtime me tren nëpër Evropë, edhe Maqedonia e Veriut në listë

karnavalet ilire bozovc

Karnavalet Ilire në Bozovcë të Tetovës. Mehmedi: Të kujtojmë të kaluarën dhe traditën e këtij karnevali

filmi-Dita-e-Gruas-Musa-Ismail

Filmi “Biznesi i kënaqësisë” fitoi çmimin e filmit më të mirë artistik në “Riverside Film Festival” në Kaliforni të SHBA-ve

komedi kushtrim qerimi avni shkodra sopi

Një Stand Up Comedy e veçantë në Kumanovë (Foto)

diaspora kroaci

Takime vëllezërore me shqiptarët e Kroacisë

vlen berlin

Krerët e VLEN-it në Berlin: Diaspora i thotë po ndryshimit

INFO

NA NDIQ