Amir Elezi, tha se Alternativa është në Qeveri, nga shkaku se kanë firmosur një marrëveshje, dhe në kuadër të kësaj marrëveshje ata e kanë ecurinë e tyre politike.
“Jemi futur me një program të qartë e cili ngadalë po realizohet. Çështja e Alternativës se sa është proevropiane është e dëshmuar”, tha Elezi.
Ai shtoi se Aleanca për Shqiptarët ende nuk ka marrë një ofertë reale për hyrje në Qeveri, ndërsa tha se kryetarit të tyre, Afrim Gashi, nuk i është kërkuar që duhet ta lëshojnë dikasterin e ministrisë së shëndetësisë.
“Ende nuk ka një ofertë reale për kyçje të tyre në Qeveri. Në momentin që shtrohet kjo, organet e tona e partisë, do ti diskutojnë. Deri në këtë fazë nuk është diskutuar për këtë. Alternativa, nuk është e vendosur përpara sfidës që të ketë një ofertë reale për ASH-në dhe të zgjedhin. Edhe në këtë rast organet e partisë do të vendosin sa i përket pozicionit, por asnjëherë nuk e kushtëzojmë kursin evropian të vendit. Këtë e kemi të dëshmuar”, u shpreh Elezi.
https://fb.watch/inYVJKrhKJ/?mibextid=v7YzmG
