Miliarderi amerikan Elon Musk, pronar i SpaceX-it dhe Twitter-it, u është drejtuar studiuesve të inteligjencës artificiale për të krijuar një laborator të ri për të rivalizuar me ChatGPT, “chatbot-in” e inteligjencës artificiale të zhvilluar nga OpenAI.
Musk është duke marrë në punë studiuesin Igor Babuschkin, i cili së fundmi u largua nga njësia e inteligjencës artificiale DeepMind të kompanisë Alphabet, për të ndërtuar një ekip që mund të konkurrojë me ChatGPT, njoftoi Yahoo News.
Thuhet se Musk dhe Babuschkin kanë diskutuar formimin e një ekipi për të vazhduar kërkimin e tyre për inteligjencën artificiale, por projekti është ende në fazat e hershme dhe nuk janë zbuluar plane konkrete për zhvillimin e produkteve specifike për momentin.
Raportohet se Babushkin ende nuk e ka nënshkruar zyrtarisht nismën e re të Musk-ut.
Musk, i cili bashkëthemeloi ChatGPT, një “chatbot” i bazuar në tekst i zhvilluar nga OpenAI që mund të shkruajë tekst, poezi dhe madje edhe kod kompjuteri me komandë, u largua nga bordi në vitin 2018.
Më 3 dhjetor 2022, Musk postoi në Twitter: “ChatGPT është tmerrësisht i mirë. Ne nuk jemi larg nga inteligjenca artificiale që mund të konsiderohet e rrezikshme”.
