Elon Musk me kundërpadi ndaj Twitter

Elon Musk ka ngritur kundërpadi ndaj Twitter, duke përshkallëzuar luftën e tij ligjore ndaj kompanisë së rrjetit social për ofertën e tij dhe tentim tërheqjes nga blerja prej 43 miliard euro.

Padia e Musk u ngrit gjatë së premtes, disa orë pasi që gjykatësja Kathaleen McCormick e gjykatës civile në Delaware urdhëroi një gjyq pesë ditor duke filluar nga 17 tetori, në mënyrë që të vendoset se nëse Musk ka të drejtë të tërhiqet nga marrëveshja.

The Guardian raporton se dokumenti i sipërmarrësit, i përbërë nga 164 faqe nuk ishte në dispozicion për publikun, megjithatë sipas rregullave të gjykatës, një version me më pak faqe mund të publikohet së shpejti.

Twitter në anën tjetër nuk dha ndonjë koment mbi këtë çështje.

Gjatë së premtes, Musk u padit edhe nga një aksionar i Twitter i cili i kërkoi gjykatës që ta detyrojnë miliarderin që ta mbyllë marrëveshjen e blerjes, duke thënë se ai ka shkelur detyrën që ai e kishte ndaj aksionarëve të Twitter, dhe gjithashtu të jepte dëmshpërblime për humbjet që u shkaktuan nga ai.

Në padinë e ngritur nga aksionari pretendohet se Musk ka një detyrë mirëbesimi ndaj aksionarëve të tjerë të Twitter pasi që ai ka 9.6 për qind të aksioneve, dhe për shkak se marrëveshja e blerjes i jep ati të drejtën e vetos mbi shumë vendime të kompanisë.

Padia në gjykatën civile u ngrit nga Luigi Crispo, i cili ka 5,500 aksione në Twitter.