Elon Musk i ka shtuar “benzinë zjarrit” të ri rreth “duelit” të tij të famshëm me Mark Zuckerberg, në një postim në Twitter.
Pronari i Tesla-s dhe platformës së rrjeteve sociale, bëri – siç e quajti ai – një përmbledhje të vogël të asaj që është regjistruar deri më tani për këtë temë konkrete, duke e përfunduar me një pyetje plot ironi drejtuar themeluesit të Facebook.
“Përmbledhja e luftës: Bëra shaka në Twitter për një luftë të Zuck. Zuck më pas u përgjigj duke thënë “më dërgo vendndodhjen”. Italia ofroi me dashamirësi një Koloseum (që të zhvillohej beteja). Zuck refuzoi. Më pas i sugjerova shtëpinë e tij si “hapësirë të sigurt”. Tragjikisht, ai dukej se… ‘udhëtoi’”, ka shkruar Musk.
Për të përfunduar me pyetjen e mëposhtme, duke i hedhur dorën përsëri Zuckerberg: “A ka vërtet një vend ku ai do të luftojë?” .
