Karateisti i njohur shqiptar i gjitha kohërave, Enver Idrizi është solidarizuar me boksierët e njohur kampion, Kliçko dhe Ukrainën pas agresionit rus që po ndodhë.
Ai përmes një postimi e ka shprehur përkrahjen dhe solidarizimin, përcjell INA.
“Ne keto momente te veshtira, solidarizohemi me popullin ukrainas dhe sportistet e ketij vendi!”, ka shkruar Idrizi.
Karateisti i njohur shqiptar së fundmi u nderua me titullin si legjendë e sportit të karatesë nga Federata Kroate e Karatesë, me rastin e 50-vjetorit të themelimit të këtij institucioni në Kroaci.
Idrizi kishte zënë vendin e dytë në botë më 1994 në Malajzi, teksa kishte fituar titullin kampion i Jugosllavisë në moshën vetëm 16-vjeçare.
Si një karateist i spikatur, Idrizi kishte pasur rastin të përfshihej edhe në filma të njohur me artistë si Jean Claude Van Damme.
Madje në një video të rrallë, shihet Idrizi duke xhiruar përkrah legjendës së filmave aksion, e në pamje duket duke e ‘goditur’ Van Dammen në formë kinematografike.(INA)
https://www.facebook.com/100027579077225/posts/1016427292619897/?d=n
