Një punëtor 41 vjeçar nga Shqipëria ka humbur jetën gjatë kryerjes së punës në një objekt ndërtimi në Çair të Shkupit.
Lajmi është bërë i ditur nga Ministria e Brendshme.
Sipas komunikatës, N.P, 41 vjeç nga Shqipëria më 26.05.2023 në ora 22.45 gjatë kryerjes së punimeve në një objekt ndërtimi në Çair, ka rënë nga katet e larta të objektit në ndërtim, ku ka ndërruar jetë. Nga mjeku kujdestar i ndihmës së shpejtë është konstatuar vdekja e tij. Në vendin e ngjarjes kanë dal prokurori hetues dhe inspektorët e punës, duke evidentuar dhe hetuar rastin, ndërsa trupi i pajetë është dërguar për obduksion. (INA)
