Erdogan uron Vjosa Osmanin pas zgjedhjes si presidente

Presidenti i Turqisë, Rexhep Tajiip Erdogan, ka uruar Vjosa Osmanin për detyrën e re që ka marrë si Presidente e Kosovës.
Në një postim që ka bërë në rrjetet sociale, Erdogan bën me dije se ka zhvilluar një bisedë telefonike me Osmanin, teksa shkruan se marrëdhëniet mes Turqisë dhe Kosovës do të forcohen.

Presidenti turk, bëri me dije më tej se me Osmanin, kanë diskutuar për çështjet rajonale duke shtuar se bashkëpunimi mes Kosovës dhe Turqisë ka kontribuar në stabilitetin dhe prosperitetin e Ballkanit.