Shoqëria aksionare “Elektranat e Maqedonisë” (ESM) me kapital shtetëror gjatë gjatë ditëve të muajit të kaluar ka blerë energji elektrike nga furnizuesit privat me një vlerë prej 1.6 milionë euro.
Për nevojat e furnizuesit universal është blerë energjia elektrike në datat 14, 15, 17 dhe 18 tetor dhe janë pranuar ofertat nga tetë operatorë dhe çmimet kanë arritur deri në 160 euro për megavat orë, përcjell Faktor.mk.
Danske Komoditis ka tarifuar më së shumti – 514 mijë euro, ndërsa GEN-I vijon me 451 mijë euro. ETMT është në vendin e tretë me 250 mijë euro. Energjia elektrike është blerë edhe nga Energy Financing Team, HSE Mak Energy, Sole 24, Universal Energy dhe Duferco.
Gjatë muajve korrik dhe gusht, ESM ka blerë energji elektrike në tregun e lirë për 7.625.000 euro në periudhën e verës kur zakonisht shiten tepricat, në vend të blerjes së energjisë elektrike nga importi. Energjia elektrike është blerë përmes katër thirrjeve të publikuara nga “ESM Shitja” dhe është blerë pothuajse nga të njëjtët furnitorë. Blerja e energjisë elektrike ka vazhduar edhe në muajin shtator, por me shuma të parëndësishme.
Blerja e energjisë elektrike është e zakonshme për muajt e dimrit, pra gjatë sezonit të ngrohjes kur ESM nuk ka sasi të mjaftueshme të prodhuara për t’ia dorëzuar furnizuesit universal për amvisëritë dhe konsumatorët e vegjël. Gjatë vitit të kaluar, Sh.A. “Elektranat e Maqedonisë së Veriut” ka blerë energji elektrike nga tregu i lirë si shtesë për prodhim të pamjaftueshëm në vlerë prej 51 milionë euro.(INA)
