“Maqedonia e Veriut duhet të tregojë vullnet për ndryshimin e Kushtetutës për të arritur përparim në procesin e anëtarësimit në BE”, theksoi komisionerja evropiane për zgjerim Marta Kos në debatin e djeshëm me anëtarët e Komisionit për Punë të Jashtme të Parlamentit Evropian.
Nga Brukseli sërish pasoi mesazhi se pikërisht tani është një mundësi e madhe për të çuar gjërat përpara, përcjell INA.
Duke iu përgjigjur pyetjes së eurodeputetëve bullgarë, ajo theksoi se shpreson se Maqedonia e Veriut do të ndryshojë Kushtetutën dhe do të vazhdojë rrugën për në Bruksel, ku pranoi se do të ketë edhe 150 mundësi të tjera për veto, sepse para përfundimit të procesit negociator nevojiten shumë vendime konsensusi.
Në Maqedoninë e Veriut deri më tani nuk ka ndryshim qëndrimi. Qeveria mbetet në qëndrimin se ndryshimi i Kushtetutës nuk është garanci se Bullgaria nuk do të vazhdojë të bllokojë procesin.(INA)