Êshtë arritur marrëveshje mes Përfaqësuesve të fshatit Sllupçan dhe Përfaqësuesve të EVN-së.
Kjo është bërë e ditur nga përfaqësuesit e fshatit Sllupçan, të zgjedhur nga banorët e fshatit për bisedime me përfaqësuesit e EVN-së.
“Ne si përfaqësues të zgjedhur nga bashkëfshatarët e Sllupçanit prej 9 anëtarëve, sot në objektin e komunës së Likovës kemi arritur marrëveshje me përfaqësuesit e EVN-së.
Në takimet me përfaqësuesit e EVN-së, gjithnjë paraprakisht jemi takuar dhe konsultuar me banorët e fshatit për të arritur më të mirën për fshatin tonë, andaj edhe në vazhdimësi për ç’do ankesë, do të jemi në shërbim të tyre.
Faleminderit për ata gazetarë dhe mediume që kanë informuar korrekt, nuk kanë qenë të njëanshêm! Faleminderojmë edhe njëherë bashkëfshatarët tanë, për besimin e dhënë ndaj nesh dhe durimin që kishin gjatë kësaj kohe!”, thuhet në njoftimin e përfaqësuesve të fshatit Sllupçan. (INA)
