Familja e njohur dibrane Rusi vizitë në Tiranë, Shkup dhe Prishtinë (FOTO/VIDEO)

0

Familja e njohur dibrane Rusi gjithmonë është e lidhur me vendlindjen dhe se ajo shquhet për kontribut të madh kombëtar dhe human.

Vëllezërit Selim, Ilirjan dhe Beni Rusi në shoqërinë e babait të tyre Turhan Rusi edhe kësaj radhe ia mësyen vendlindjes për pushime, por edhe për takime zyrtare e miqësore në Tiranë, Shkup dhe Prishtinë.

Aeroplani i tyre privat ateroi në kohë në Aeroportin e Shkupit, ku familjes Rusi i’u bë një pritje e veçantë nga miqtë dhe bashkëpunëtorët e tyre.

Babai Turhani ndonëse në moshë, ai ka një memorie dhe rrjedhshmëri logjike në rrëfimin e ngjarjeve, për t’u patur zili.

Ai thotë se gjithmonë nuk është ndarë dhe nuk e harron vendlindjen dhe atdheun.

Kështu edhe kësaj radhe, edhe përkundër pandemisë me koronavirusin, xhaxhi Turhan rrëfen se në konsultim me djemtë e tij kishte vendosur që të bëjnë këtë udhëtim familjar.

“Edhe kësaj radhe e vendosëm që të vijmë bashkë me tre djemtë Selimin, Ilirjanin dhe Benin. Nga Nju Jorku fillimisht ishim në Tiranë ku jemi pritur nga personalitete shtetërore, miq e familjarë. Pas qëndrimit në Tiranë e Llogora arritëm në Shkup, ku po ashtu u pritëm nga miq dhe dashamirësit tanë. Edhe këtej do kemi takime dhe vizita dhe takime me personalitete zyrtare e miqtë tanë. Më pas vijojmë drejt Prishtinës, ku po ashtu do të kemi një agjendë të ngjeshur”, thotë për INA, veprimtari dibran Turhan Rusi.

Veprimtari dhe humanisti Turhan Rusi

“Atdheu është pjesë e jetës sonë. Po japim kontribute të ndryshme në të gjitha fushat, ekonomike dhe shëndetësore. Kemi arritur me punë të jashtëzakonshme që të edukojmë fëmijët për një dashuri atdhetare të vendlindjes, por të edukuar edhe për një shoqëri të hapur diversitetesh”, thotë Turhani.

Selim, Turhan, Ilirjan dhe Beni Rusi pas mbërritjes në VIP area në Aeroportin e Shkupit

Ai ka një porosi impresionuese ku thotë se me rëndësi për gjithë shqiptarët është uniteti, sepse të bashkuar bëhen vepra të mëdha.

“Dëshira jonë pas veprave që po bëjmë është uniteti kombëtar, gjuha e përbashkët dhe jeta e përbashkët. Duke i djeg ferrat e armiqësisë, të fillojë një jetë e përbashkët vëllazërore shoqërore dhe kombëtare.”, porosit veprimtari dibran.

Turhan Rusi dhe djemtë e tij kanë emigruar në Amerikë pas një kalvari të gjatë vuajtjesh në Dibër, rreth vitit 1970. Është për t’u theksuar se kjo familje shquhet për ndjenja të larta atdhedashurie dhe humane.

(Naser Pajaziti/INA)