Me vetëiniciativën e banorëve dhe humanizmit të mërgimtarëve është hedhur pllaka e parë përdhesë për shkollën fillore të fshatit Nerovë të Krushevës, përcjell INA.
Nga këshilli i shkollës së fshatit dhe arsimtarëve thonë se investimi është bërë nga vetë fshatarët dhe askush tjetër. Por ata nuk kanë pasur ndonjë përkrahje tjetër që e presin nga donatorë tjerë.
Banorët presin përkrahje dhe apelojnë për të ndihmuar për ndërtimin e shkollës së re, pasi që shkolla e vjetër është në kushte të papërshtatshme, me mure të krisura, dysheme dhe mungesa tjera elementare.
Përkrahjen e presin edhe mbi 150 nxënës shqiptarë të kësaj shkolle fillore në Nerovë të Krushevës.
“Ky hap është hap i rëndësishëm për të gjithë ne për ardhmërinë e fëmijëve dhe të gjithë bashkëfshatarëve në përmirsimin e kushteve për të krijuar kushte sa më të mira. Ju bëjmë thirrje të gjithë që jeni të lirë të bashkoheni në fillimin e punimeve ditën e nesërme”, thonë arsimtarët e kësaj shkolle.
Në shkollën “Nikolla Karev” të Nerovës dhe fshatrave përreth nga viti 2004 nuk ka pasur asnjë investim.(INA)
Kjo është llogaria bankare për ata që duan të ndihmojnë: 200004154322976 MK
07200004154324043 EUR
