Futbollistët e Shqipërisë të enjten festuan gjatë fitoren e arritur ndaj Çekisë në stadiumin “Air Albania” në Tiranë. Por festa ka vazhduar edhe të dielën. Mes buzëqeshjeve, këngës dhe valles, futbollistët e Shqipërisë u rikthyen në stërvitje për duelin miqësor kundër Bullgarisë.
Shqipëria ka zhvilluar të dielën stërvitjen e radhës pas fitores së arritur 3:0 ndaj çekëve. Me fitoren e shënuar të enjten, Shqipëria ka bërë një hap të madh drejta kualifikimit për herë të dytë në “Euro 2024”. Është lidere me 13 pikë. Nga gjashtë ndeshjeT, Çekia është e dyta me 11 pikë.
Në videon e postuar nga Federata Shqiptare e Futbollit të dielën, shihet atmosfera e mirë te lojtarët e ekipit kuqezi. Në video shihen duke kënduar e kërcyer Arbnor Muja, Arlind Ajeti, Nedim Bajrami e Ylber Ramadani.
“Të gjithë lojtarët janë stërvitur normalisht, duke e nisur me ushtrime në palestër dhe më pas kanë në fushë për të bërë fillimisht përgatitje atletike dhe më pas trajneri Sylvinho ka bërë edhe një ndeshje kontrolli të kombinuara me situata loje”, shkruan në njoftimin e FSHF-së.
Të dielën në stërvitje për herë të parë është grumbulluar edhe sulmuesin Marvin Çuni, i cili është stërvitur normalisht me grupin. Seanca stërvitore siç njofton FSHF-ja ka zgjatur për rreth 90 minuta dhe të gjithë lojtarët gëzojnë formë të mirë. Nuk ka asnjë lojtar me shqetësime fizike.
“Ndërkaq, të hënën në ora 15:45 do të zhvillohet konferencën zyrtare për media në prag të ndeshjes miqësore me Bullgarinë në stadiumin ‘Air Albania’ me trajnerin Sylvinho dhe një futbollist. Në ora 16:30 do të nisë stërvitja zyrtare që do të jetë e hapur 15 minuta për mediat”, shkruan tutje FSHF-ja.
Federata Shqiptare e drejtuar nga Armand Duka ka bërë të ditur se Bullgaria do ta mbajë konferencën nga ora 17:30 në “Air Albania”, ku prej orës 18:00 do ta mbajë edhe stërvitjen e fundit para ndeshjes, që luhet të martën prej orës 18:00.
https://www.facebook.com/portalikohanet/videos/1233913021334839/?ref=embed_video
