Kthimi i besimit të qytetarëve në sistemin e gjyqësisë është një prej sfidave më të mëdha me të cilat përballemi sot. Një sërë skandalesh, akuzash për korrupsion dhe dyshime për përzoerje politike, janë problem serioz i cili e rrënon funksionin themelor të jurisprudencës si organ i pavarur dhe i paanshëm. Duhet të jetë e qartë se drejtësia nuk guxon të jetë nën ndikim të partive politike apo çfarëdo lloj faktorëve të tjerë të jashtëm, thotë ministri i Drejtësisë, Igor Fillkov.
Duke folur për emrat e ri në listën e zezë të SHBA-së për shkak të korrupsionit në të cilën u gjend edhe një gjykatës, Fillkov në intervistë për Lokalno.mk, thotë se ka rëndësi të madhe në kontekstin e përpjekjeve për luftë kundër korrupsionit dhe përforcimit të drejtësisë në vendin tonë.
Paralelisht, Fillkov thekson se duhet të pranojmë se partnerët ndërkombëtarë luajnë rol të rëndësishëm në mbështetje të përpjekjeve tona dhe e përdorin pozicionin e tyre për të cekur se ku janë problemet, përderisa përgjegjëssi e jona është të ndërtojmë mekanizma të fuqishëm për jurisprudencën dhe të sigurojmë se askush, pa dallim të pozitës apo statusit së vet, nuk është anashkaluar nga drejtësia.
Sa i përket reformave në Këshillin gjyqësor, Fillkov thekson se pas përfundimit të debateve publike për Këshillin gjyqësor, hapi i ardhshëm është të shqyrtohen të gjitha vërejtjet dhe propozimet të cilat ishin dhënë nga ana e pjesëmarrësve në debat, përfshirë edhe ekspertët, organizatat cilie, si dhe opinionin.
Në intervistë Fillkov foli edhe për funksionalitetin e Ministrisë së Drejtësisë, si të kthehet besimi në jurisprudencë, Kodin e ri penal, gjendjen në burgje dhe çështje të tjera.
