Flet Messi: Ja pse nuk u ktheva te Barça

INA
INA

8 Qershor, 2023

Lionel Messi ka vendosur që karrierën e tij ta vazhdojë në ligën amerikane të futbollit, MLS, tek skuadra e Inter Miamit.

Kështu është shuar ëndrra e tifozëve të Barcelonës për ta parë atë sërish në “Camp Nou”, edhe pse ditëve të fundit kjo mundësi dukej shumë e afërt.

Menjëherë pasi është arritur marrëveshja, Messi ka zbuluar edhe arsyet pse vendosi që të mos kthehet te gjiganti spanjoll.

Ai ka thënë se arsyeja kryesore ishte se nuk donte ta përjetonte edhe njëherë një situatë të ngjashme me atë që i ndodhi kur u largua drejt PSG-së, transmeton KosovaPress.

“Doja të kthehesha, isha shumë i emocionuar që mund të kthehesha, por pasi përjetova atë që përjetova dhe daljen që pata, nuk doja të isha përsëri në të njëjtën situatë: duke pritur të shihja se çfarë do të ndodhte dhe duke e lënë të ardhmen time në duart e dikujt tjetër”, tha fillimisht Messi.

Argjentinasi ka shtuar se nuk ndihej mirë kur kuptoi se klubi duhet të shiste lojtarë dhe të ulte paga lojtarëve të tjerë për ta kthyer atë në klub.

“Doja të merrja vendimin tim, duke menduar për veten time, për familjen time. Edhe pse dëgjova se LaLiga kishte pranuar gjithçka dhe se gjithçka ishte në rregull që ai të kthehej, kishte ende shumë gjëra të tjera që duheshin bërë. Dëgjova se ata duhej të shisnin lojtarë ose të ulnin rrogat e lojtarëve dhe e vërteta është se unë nuk doja ta kaloja këtë, ose të merrja përgjegjësinë për të marrë diçka që kishte të bënte me gjithë këtë. Tashmë jam akuzuar për shumë gjëra. që nuk ishin të vërteta në karrierën time në Barcelonë dhe unë tashmë isha pak i lodhur, nuk doja të kaloja gjithë këtë”, tha Messi në fund.

Ai ishte lidhur edhe me një transferim në Arabinë Saudite, por në fund vendosi për Inter Miamin.

ME TE LEXUARA

LEXO MË SHUMË

IMG_5650

Sveçla: Kemi dëshmi se Serbia e organizoi sulmin në Banjskë – Kishte qëllim aneksimin e veriut të Kosovës

Radojcic vilat pasuria

Sveçla tregon se për çka do ta shfrytëzojnë vilën e Radojçiqit!

IMG_5648

Publikohet momenti i sulmit ku u vra polici Afrim Bunjaku (VIDEO)

pensionist

Prej nesër fillon pagesa e pensioneve, me rritje prej 5.3%

raphina-rafinja

“Goditet” Barcelona, Raphinha do të mungojë gati një muaj

bilall kasami

Kasami: Nuk do të votojmë për ndryshimet Kushtetuese, kërkojmë të hiqet 20%

vjosa Osmani

Osmani: Me armët ruse Vuçiq po mendon aneksimin sipas modelit të Krimesë

robert fico

Partia majtiste e ish-kryeministrit pro-rus i fiton zgjedhjet në Sllovaki

Shaip Kamberi

Kamberi: Vuçiq mund të hakmerret ndaj shqiptarëve në Luginën e Preshevës

INFO

NA NDIQ