Trajneri i Barcelonës, Hansi Flick, foli për “Amazon Prime Video” pas fitores 4-0 ndaj Borussia Dortmundit, në ndeshjen e parë çerekfinale të Ligës së Kampionëve:
Rezultati dhe paraqitja flasin vetë, çfarë ju pëlqeu më shumë?
Gjëja më e rëndësishme për mua është që luajtëm siç dimë të luajmë. Kur luajmë kështu, shënojmë gola.
Tani mund të ëndërroni më shumë…
Qëndrojmë me këmbë në tokë, kemi edhe një ndeshje tjetër për të luajtur.
A ju ndodh të mendoni sa me fat jeni që keni këta lojtarë?
Jam i lumtur për të gjithë, janë profesionistë të mëdhenj. Stërviten dhe luajnë mirë, kjo është arsyeja pse kanë arritur në këtë nivel.
A jeni afër gjysmëfinales?
Jo, ende jo. Mbetet për t’u luajtur edhe një ndeshje tjetër, futbolli është i çmendur. Duhet të luajmë njësoj edhe në Dortmund. Unë besoj tek ajo që bëjmë, do të jemi të kënaqur edhe nëse bëjmë më pak gabime.
