Hansi Flick e përgatit Barcelonën për ndeshjen e sotme kundër Benfica-s në Ligën e Kampionëve, dhe në konferencën e tij të djeshme për shtyp ka folur për tema të ndryshme, përfshirë krizën e rezultateve në La Liga.
Trajneri gjerman është pyetur gjithashtu për dilemat rreth formacionit, përfshirë mendimet e tij për formacionin që do të nisë ndeshjen në Lisbonë, përfshirë dhe zgjedhjen për pozitën e portierit.
– Kjo është një çështje që e diskutojmë me ndihmësit e mi, por e kemi parë që Szczesny është kampion dhe e ka treguar këtë në ndeshjen e Superkupës kundër Real Madridit.
– Ai ka fituar shumë trofe, më pëlqen si sillet në fushë, do të shohim se çfarë vendimi do të marrim për nesër.
– Mendoj se angazhimi i Tek është një nga lëvizjet më të mira që kemi bërë. Nuk janë vetëm cilësitë e tij që kanë rëndësi, por edhe mënyra se si sillet me portierët e tjerë, ai i transmeton përvojë të jashtëzakonshme kolegëve të tij më të rinj dhe është kënaqësi ta kesh në ekip, – ka thënë Flick.
