Luftëtarët e Grupit Wagner janë në terren në Niger, duke “udhëzuar” anëtarët e forcave të armatosura të cilat për ditë të tëra kanë nisur një grusht shteti ushtarak.
LSi Africa raporton se “instruktorët e grupit të mercenarëve rusë, Wagner” kanë mbërritur në kryeqytetin e Niamey për të trajnuar puçistët, pasi kanë udhëtuar nga Mali, shkruan Sky News.
Kjo vjen pasi dolën raporte se junta ushtarake kishte kërkuar ndihmë nga Grupi Wagner – pas ultimatumit nga Komuniteti Ekonomik i Shteteve të Afrikës Perëndimore (ECOWAS), i planifikuar të skadojë nesër.
ECOWAS tha se do të ndërhynte ushtarakisht nëse grushti i shtetit nuk ndalon deri në afatin e tij, ndërsa Franca tha se do të mbështesë përpjekjet për të parë përfundimin e trazirave dhe rivendosjen e qeverisë.
