Formohet komision i posaçëm për sjelljen e mjekut të Urologjisë, pritet vendimi

Klinika e Urologjisë, u deklarua sot për sjelljen jo korrekte të mjekut urolog, i cili para disa ditëve gjatë orarit të punës, ka bërtitur me zë të lartë nëpër korridor duke thënë që të thërrasin sigurimin. Përderisa një prind ka kërkuar që mjeku ta kontrolloj fëmijën e tij i cili ka pasur dhimbje dhe ka qenë me karcinom në fazën e katërt, mjeku ka filluar të bërtas. Nga klinika për Alsat thonë se sjellja e tij është e pa tolerueshme. Për këtë rast, është formuar komision disiplinor i cili po merr deklaratat e të gjithë të pranishmëve në atë moment, personelit mjekësor dhe pacientëve. Në deklaratën e tij, mjeku për të cilin është formuar komisioni, ka thënë se është sulmuar nga ana e pacientit. Pas shqyrtimit të deklaratave të të gjitha palëve, komisioni do të sjellë vendim. /Alsat.mk