Babai dhe menaxheri i Lionel Messit, Jorge Messi, u pa teksa po hynte në një ndërtesë me presidentin e Barcelonës, Joan Laporta, ndërsa më pas pranoi se djali dëshiron që të kthehet në “Camp Nou”.
PSG konfirmoi se argjentinasi do të largohet nga “Park de Prans” dhe sfida kundër Klermont që përfundoi me rezultatin 3-2 ishte e fundit e tij me parisienët. Klubi saudit Al-Hilal po bën gjithçka që ta bindë shtatë herë fituesin e “Topit të Artë” t’i thotë “PO” dhe i ka bërë sulmuesit një ofertë faraonike me vlerë 400 mln dollarë në një sezon.
Në garë për shërbimet e 35 vjeçarit është edhe Inter Majemi në SHBA. Por i ati i futbollistit u takua me numrin 1 të blaugranave në shtëpinë e këtij të fundit.
“Leo dëshiron që të kthehet te Barcelona dhe do të më pëlqente që ta shikoja të sërish te Barça. Kalimi i tij te Barça sigurisht që është një opsion”, tha Horge Mesi pas bisedës.
Familja e futbollistit dëshiron që të rikthehet në Barcelonë, ku ka jetuar për 17 vite.
Gjatë karrierës së tij te Barcelona, futbollisti argjentinas realizoi mbi 650 gola.