Francë, konsensus i gjerë për një rindërtim identik të kurorës së Notre Dame

0

Ministrja e re franceze e Kulturës, Roselyne Bachelot theksoi se një konsensus i gjerë ekzistonte për të rindërtuar në mënyrë identike kurorën e katedrales Notre-Dame de Paris, ndërkohë që një komision këshillimi do të mblidhet sot në lidhje me këtë çështje.

“Ajo që duket tashmë, është që një konsensus i gjerë ekziston në opinionin publik dhe tek vendimmarrësit, pasi në fund, do të jetë, mendoj, presidenti i Republikës që do të vendosë) për rindërtimin në mënyrë identike”, theksoi ajo.

“Është gjithmonë e vështirë të thuash, identike, saktësisht, por në frymën e kurorës”, theksoi Roselyne Bachelot në radio France Inter.