Komandanti i Forcës së Sigurisë së Kosovës, Gjenerallejtënant Bashkim Jashari, gjatë vizitës zyrtare në Shtetet e Bashkuara të Amerikës, është pritur në Pentagon nga Gjenerallejtënant Joseph ‘JS’ McGee, Drejtor i Strategjisë, Planeve dhe Politikave në Shtabin e Përbashkët të Forcave të Armatosura Amerikane.
Gjatë takimit, Jashari e informoi McGee për progresin e FSK-së, duke përfshirë pjesëmarrjen në stërvitjen ndërkombëtare Defender 25, bashkëpunimin e ngushtë me ushtrinë amerikane, si dhe përgatitjet për dislokim në Qendrën e Trajnimeve të Përbashkëta (JRTC). Ai theksoi synimin e FSK-së për të arritur Kapacitetet e Plota Operacionale (FOC).
Nga ana e tij, Gjenerallejtënant McGee përgëzoi FSK-në për progresin e vazhdueshëm, falënderoi për mikpritjen gjatë stërvitjes Defender 25, dhe rikonfirmoi mbështetjen e Pentagonit për zhvillimin e mëtejmë të kapaciteteve të FSK-së dhe bashkëpunimin në misione të përbashkëta paqeruajtëse.
Në kuadër të vizitës, Gjenerallejtënant Jashari zhvilloi takime edhe me Shefin e Byrosë së Gardës Kombëtare të SHBA-së, Gjeneral Steven S. Nordhaus, si dhe me Komandantin e Gardës Kombëtare të Ajovës në JRTC, Gjeneral Major Steven Osborn.
