Sot përfundon fushata zgjedhore dyjavore për raundin e dytë të zgjedhjeve lokale në Shkup dhe në 32 komuna të tjera të Republikës së Maqedonia e Veriut, të cilat zhvillohen të dielën, më 2 nëntor.
Sipas kalendarit zgjedhor, prej mesnate fillon periudha e heshtjes para-zgjedhore, e cila zgjat deri në orën 19:00 të së dielës, përpara hapjes së qendrave të votimit, përcjell INA.
Në komunat ku do të zhvillohet raundi i dytë për kryetarë, paraprakisht, të sëmurët dhe të pafuqishmit, të burgosurit dhe personat në arrest shtëpiak – të cilëve aplikacionet janë pranuar nga komisionet komunale – do të jenë të parët që votojnë të shtunën.
Zgjedhjet e këtij viti vijnë në një situatë ku VMRO‑DPMNE udhëheq në shumicën e komunave pas raundit të parë, dhe koalicioni VLEN ka arritur që të fitoj në disa komuna që pas shumë dekadave ishin bastione të BDI-së. Në garën për 2 nëntor në qendër të vëmendjes janë Qyteti i Shkupit, si dhe komunat Tetova, Kërçova, Struga, Bërvenica, Bogovina, etj. Raundi i dytë të dielën do të jetë vendimtar pasi që do të krijohet harta e re politike në Maqedoninë e Veriut.(INA)
