Klubi i Manchester United është detyruar të ndryshojë planet pasi një futbollist mysliman ka refuzuar të veshë bluzat me simbolin e ylberit në mbështetje të komunitetit LGBTQ+, para ndeshjes së Premierligue në fundjavë.
Bluza në fjalë është një nga uniformat e stërvitjes para ndeshjes, por të dielën para ndeshjes ndaj Everton mbrojtësi maroken Noussair Mazraoui refuzoi ta mbante, raporton rrjeti Athletic, duke u bërë rasti më i fundit i kundërshtimit të politikave LGBT nga besimtarët myslimanë.
Mediat thanë se Mazraoui, u tha kolegëve se nuk do ta vishte bluzën duke cituar si arsye besimin e tij.
Prandaj skuadra e United vendosi që askush të mos e vishte bluzën e kontestuar për të mos bërë që Mazraoui të dallohej publikisht.
Zhvillimi vjen pas një refuzimi të ngjashëm nga mbrojtësi anglez i skuadrës Crystal Palace Marc Guehi dhe kapiteni i skuadrës së Ipswich Town, Sam Morsy që kane refuzuar shiritin e kapitenit me ngjyrat e ylberit.
Në një deklaratë Manchester United tha se klubi mirëpret njerëz nag të gjitha prejardhjet ashtu si dhe fansat LGBTQ, diskriminimi ndaj të cilëve nuk duhet të tolerohet.
Rrjeti The Athletic shtotne se prodhuesit e bluzës Adidas – kishin mbetur ‘të zhgënjyer’ nga situata.
27 vjeçari Mazraoui, është kritikuar dhe më parë kur shprehu mbështetje për kolegun maroken në skuadrën e Toulouse, Zakaria Aboukhlal që refuzoi të merrte pjesë në fushatën e ylberit ‘gay’ në Francë vitin që shkoi, shkruan Daily Mail.
