Garat në matematikë, mungesa e testeve në shqip

Iliria News Agency
Iliria News Agency

06/02/2023

Filloristët shqiptar të Butelit të cilët nuk arritën të marrin pjesë në garat komunale në lëndën e matematikës për shkak të mungesës së testeve në gjuhën shqipe do të vazhdojnë pjesëmarrjen direkt në garat rajonale të cilat do të mbahen në muajin mars. Kjo u bë e ditur nga kryetari i Lidhjes së matematikanëve, Gjorgji Markovski në shenjë kompensimi për humbjet që pësuan nxënësit.

“Vlerësoj se propozimi më fer është që të gjithë nxënësit të plasohen në garat rajonale dhe atje ti tregojnë njohuritë që kanë arritur gjatë përgatitjeve. Kam njoftuar një nga shkollat dhe pres përgjigje sot ose nesër nëse do ta pranojnë këtë propozim. Më pas, më këtë propozim do të njoftojmë këshillin drejtues dhe do të vendosim. Ky është propozim vetëm i imi, jo zyrtar akoma. Nesër dhe pasnesër mund të dihet”, deklaroi Gjorgji Markovski, kryetar i Lidhjes së matematikantëve të Maqedonisë.

Me këtë propozim tashmë janë njoftuar edhe drejtuesit e shkollave, mësimdhënësit dhe prindërit e nxënësve që ishin kandidat në garat e matematikës. Sipas mësimdhënësve që kontaktoi Alsat, vendimi nëse do të pranohet ose jo ky propozim do të bëhet i ditur nesër pas mbajtjes së mbledhjeve me prindërit. Sipas Markovskit, vonesa e testeve në gjuhën shqipe nuk ishte e qëllimshme por e njëjta u bë për shkak të vonesës së dërgesës përmes kargos. Gjithashtu, Markovski tha se testet në gjuhën shqipe ishin dërguar edhe në formën elektronike por nuk u printuan me kohë për shkak të problemeve teknike.

Më 4 shkurt, dhjetëra nxënës të komunës së Butelit nga klasa e pestë e deri atë të nëntë bojkotuan garat komunale të matematikës për shkak se testet ishin vetëm në gjuhën maqedonase. Për pjesëmarrje në gara çdo nxënës kishte paguar 300 deri në 500 denarë.

Mësimdhënësit dhe prindërit e nxënësve dyshojnë për veprim të qëllimshëm, që sipas tyre privon fëmijët e tyre nga testimit në gjuhën amtare.

TË FUNDIT

ME TE LEXUARA

LEXO MË SHUMË

improvizim bujar

Pasi mori rolin e kryetarit të Kuvendit, Ziadin Sela në seancën e improvizuar shpalli Bujar Osmanin president të shtetit

improvizim

Në seancë të improvizuar, Ali Ahmeti shpall Ziadin Selën kryetar të Kuvendit të RMV-së

Protesta_Mjeket

Specialistët privatë vazhdojnë me grevën, thonë se kanë presione nga klinikat dhe kolegët më të vjetër

qytetare-1280x899

Shumica e të rinjve përdorin rrjetet sociale, sipas tyre partitë janë burimi më i madh i informacioneve të pasakta

Kurti

Kurti: Lirohen 4 nga 5 policët e Kosovës të ndaluar në Serbi

ziadin sela

Sela: Pse janë të shqetësuar nga Fronti Evropian

afrim gashi

Gashi: Ata që sot e sulmojnë Albin Kurtin, janë të njëjtit që po i vajton edhe Aleksandar Vuçiqi

zgjedhje maqedoni

Fillon gara për deputetë, edhe pesë ditë fushatë presidenciale

bislimi-petkovic-lajcak

Rund i ri i dialogut në Bruksel për çështjen e dinarit serb

INFO

NA NDIQ