Kryeparlamentari Afrim Gashi bëri të ditur sot se Ligji për Përfaqësim të drejtë dhe adekuat pritet të jetë në Kuvend para pushimeve verore.
“ E kemi paralajmëruar disa herë, është një grup i punës i cili po punon dhe ligji është gati, mirëpo jemi në konsulta edhe me Gjykatën Kushtetuese edhe me komisionin e Venecias, të jemi të sigurt që ligjin që do ta adaptojmë dhe votojmë të mos jetë i rrezikuar nga komponenta e kushtetutshmërisë, duam të jemi të sigurte 100 për qind që të hyjmë në proces, të mos na ndodh të ketë parashtresa dhe të na bie. Shpresoj që brenda këtyre muajve do të jetë, uroj të jetë para pushimeve”, theksoi Gashi. Ai ka theksuar se lëvizjet dhe braktisja e VLEN nga Taravari ja pasur ndikim edhe në këtë proces.(INA)
