Kryetari i partisë Alternativa, Afrim Gashi sot ka mirëpritur kryeministrin e Kosovës, Albin Kurti në Çair, ku u bë përurimi i rrugës “Adem Demaçi”.
Gashi ka shkruar se prania e kryeministrit të Kosovës i ka dhënë peshë këtij eventi dhe ka nderuar shqiptarët e Shkupit.
“Bashkë me kryetarin e Lëvizjes Besa, Bilall Kasami, kryetarin e Lëvizjes Demokratike, Izet Mexhiti, kryetarin e Komunës së Çairit, Visar Ganiu dhe shumë bashkëpunëtorë të tjerë, nderuam figurën e Adem Demaçit, i cili prej sot do të përjetësohet edhe me emrin e një rruge në Çairin tonë. Prania e Kryeministrit të Kosovës i dha peshë këtij eventi dhe nderoi shqiptarët e Shkupit. Bisedat me Albin Kurtin janë gjithmonë të këndshme dhe frytdhënëse. Jam mirënjohës për angazhimin e tij konstruktiv dhe mbështetjen e vazhdueshme për shqiptarët e këtushëm dhe Maqedoninë e Veriut në përgjithësi”, ka shkruar Gashi.
