Kryeparlamentari Afrim Gashi nga Uashingtoni ka përcjell mesazhe pas pranisë së tij në inaugurimin e presidentit të ri amerikan Donald Trump.
“Sot, në Washington D.C., për t’i uruar detyrën Presidentit Trump.
Shtetet e Bashkuara të Amerikës jo vetëm që përfaqësojnë një faktor vendimtar në politikat globale, por edhe mbeten aleat i palëkundur i vendit tonë. Bashkë me kryetarin e Alternativës, Zeqirija Ibrahimi dhe zv. Kryeministrin Izet Mexhiti, jemi këtu për të dëshmuar përkushtimin serioz në forcimin e kësaj aleance. Mezi po presim që të thellojmë bashkëpunimin në realizimin e angazhimeve të përbashkëta për forcimin e paqes, sigurisë dhe demokracisë, prandaj urime për Presidentin Trump, administratën e tij dhe popullin amerikan!”, nënvizoi kryetari i Kuvendit të RVM-së, Afrim Gashi. (INA)