Ambasadori i Bashkimit Evropian në Shkup, David Geer, tha se është në interesin e Maqedonisë së Veriut të vazhdojë rrugën e BE-së dhe se Unioni është i gatshëm të punojë me qeverinë e re dhe të gjithë ata që mbështesin procesin e reformave, përcjell INA.
“Mesazhi im do të ishte për Qeverinë dhe në fakt, për të gjithë vendin. Unë besoj se interesi i këtij vendi është të vazhdojë në rrugën drejt Bashkimit Evropian. Ne në Bashkimin Evropian jemi të gatshëm të punojmë me Qeverinë e re dhe të gjithë ata që mbështesin procesin e reformave, i cili është i nevojshëm për anëtarësimin në Bashkimin Evropian dhe do të bëjmë gjithçka që mundemi për ta ndihmuar këtë vend të përparojë në rrugën e tij drejt BE-së”, tha euroambasadori Gir.
Lidhur me këtë proces të rëndësishëm, ambasadori Gir tha se do të kërkojë edhe mbështetjen e të gjithë aktorëve kryesorë nga i gjithë spektri politik.
“Me fjalë të tjera, zgjerimi duhet të jetë një projekt kombëtar që do t’i bashkojë të gjithë për të punuar në reformat, për të zbatuar masat e nevojshme, në mënyrë që të anëtarësojmë sa më shpejt në Bashkimin Evropian”, tha Geer në një deklaratë para hapjes së ekspozita “Të bashkuar në diversitet” me rastin e 20 vjetëve nga zgjerimi më i madh i Bashkimit Evropian.(INA)
