“Të gjithë lojtarët janë gati dhe do të japin maksimumin në fushë”.
Kështu ka deklaruar përzgjedhësi i Kombëtares së Kosovës, Alain Giresse në konferencën për medie, në prag të sfidës me Izraelin.
Izraeli dhe Kosova do të ndeshen nesër mbrëma në Tel Aviv, në ndeshjen e parë kualifikuese për EURO 2024.
Giresse ka thënë se i kanë bërë gjitha përgatitjet e duhura dhe janë gati për të marrë më të mirën nga kjo ndeshje.
“Të gjithë lojtarët janë gati dhe do të japim maksimumin në fushë. Ata që luajnë dhe ata që nuk luajnë do të bëjnë më të mirën për ekipin kombëtar. Jemi këtu për rezultat pozitiv”, tha Giresse.
Tekniku francez mendon se gjasat e ‘Dardanëve’ për kualifikim nuk varen vetëm nga sfida me Izraelin.
“Gjasat e Kosovës për kualifikim nuk varën vetëm nga takimi i nesërm por nga gjithë kampanja kualifikuese. Ne kemi besim dhe më angazhim mund të arrijmë”, theksoi Giresse.
Ndeshja Izraeli-Kosova luhet nesër dhe fillon në orën 18:00.
