Numri i të vdekurve nga përmbytjet katastrofike që goditën Slloveninë sot është rritur në gjashtë, pasi në lumin e fryrë Temenica janë gjetur trupat e një burri që po punonte për riparimin e dëmeve dhe një trup tjetër, transmeton STA.
Gjatë natës së kaluar, zjarrfikësit kanë ndërhyrë për të eliminuar pasojat e përmbytjeve në 57 raste, kryesisht në Pomurje dhe Carinthia.
Disa zona janë ende të përmbytura, shumë rrugë janë ende të mbyllura, ndërsa shërbimet kompetente paralajmërojnë se me zvogëlimin e ujit do të rritet rreziku për rrëshqitje të dheut në ato vende.
