Policia në Shkup ka bërë të ditur se ka gjetur një trup të pajetë të një gruaje të moshuar, e cila sipas njoftimeve paraprake pak ditë më parë ishte shpallur e zhdukur.
“Sot (06.01.2023) në ora 10.03 në SPB Shkup është raportuar se shtetasja Z.L.(68) nga Shkupi është gjetur e vdekur tek manastiri “Shën Jeremia” në fshatin Pintija të Shkupit, për të cilin është raportuar me datë 31.12.2022 se ajo u largua nga shtëpia. Një ekip i ndihmës mjekësore emergjente ka konstatuar vdekjen pa shenja të dukshme dhune dhe me urdhër të Prokurorit Publik, trupi i pajetë i të ndjerit është dorëzuar për obduksion”, thuhet në raportin e MPB-së.