Gjenerali amerikan: Ky shtet është kërcënimi kryesor ushtarak për ne

Një gjeneral amerikan ka thënë se pavarësisht shtimit të shqetësimeve rreth fuqisë së Kinës, Shtetet e Bashkuara kanë një rival tjetër ushtarak që është kryesori.

Sipas komandantit të Komandës Veriore të ushtrisë së Shteteve të Bashkuara, Gjeneral Glen VanHerck, Rusia vazhdon të jetë kërcënimi kryesor ushtarak i ShBA-së për shkak se Moska ka qasje në armatim më të avancuar se Pekini.

Duke folur për revistën “Air Force”, Gjenerali VanHerck tha se Kina dhe Rusia janë të barabarta në fushën e kibernetikës, por Rusia ka ende epërsi, kur bëhet fjalë për armët fizike, shkruan RT, transmeton Gazeta Express.

“Nga këndvështrimi kinetik – nëndetëset, aeroplanët bombardues, raketat e kontrolluara, kësi lloj kapacitetesh, Rusia është kërcënimi kryesor ushtarak”, tha VanHerck, duke theksuar, megjithatë, se Kina është “kërcënim ekzistues afatgjatë”.