Gjermania i ka dhuruar Forcës së Sigurisë së Kosovës, uniforma për mbrojtje nga bombat.
Lajmi është bërë i ditur përmes një komunikate nga Ambasada e Gjermanisë në Kosovë, ku tregohet se vlera e këtyre uniformave është 500 mijë euro.
“Bundeswehr-i gjerman blen gjithsej 10 nga këto kostume të papërshkueshme nga bomba, duke përfshirë pajisjet shtesë teknike, për forcat e armatosura kosovare, për një vlerë totale prej rreth 500,000 €. Kostumet e mbetura të mbrojtjes nga bomba do t’i dorëzohen FSK-së në tremujorin e parë të vitit 2023”, thuhet në komunikatë.
Tutje, nga Ambasada është sqaruar edhe arsyeja e dhurimit të këtyre pajisjeve dhe shërbimet që do të lehtësojnë për FSK-në.
“Me këto kostume mbrojtëse nga bomba, forcat e armatosura kosovare mundësojnë eksplozivë të rrezikshëm si mina apo mbetje municionesh të pashpërthyera, por edhe bomba apo eksplozivë nga sulmet terroriste, të sigurta dhe të padëmshme”.
Kurse, kanë theksuar se ky donacion vjen për shkak se nga Kosova nuk kanë pasur mundësi sigurimin e tyre.
“Deri më tani, forcat kosovare nuk kanë siguruar ende këtë pajisje për të mbrojtur personelin e tyre shumë të specializuar. Në të ardhmen, specialistët e FSK-së do të mund t’i kryejnë detyrat e tyre të rrezikshme në këtë fushë të sigurt dhe të sigurt me këtë pajisje të dhuruar nga Gjermania”.
Ndryshe, Forca e Sigurisë së Kosovë, përkitazi me moshën, është një strukturë e organizuar mirë, por për shkak të buxhetit të vogël dhe kufizimeve të tjera, qëndron shumë dobët me armatimin e rëndë.
FSK-ja vazhdon që ende të mos ketë armë të krahut, armë anti-tank, armë për mbrojtje kundër-ajrore dhe gjithashtu nuk ka helikopterë për bartjen e njësiteve prej një vendi në vendin tjetër.
FSK shumicën e armëve i ka të dhuruar. Në vitin 2021, Forcat e Sigurisë së Kosovës u patën pajisur me 24 mjete ushtarake të tipit “Humvee”, të cilat kishin ardhur nga Shtetet e Bashkuara të Amerikës (SHBA).
Përgjegjësitë e reja të FSK-së kanë të bëjnë me ruajtjen e sovranitetit dhe integritetit territorial, qytetarëve, pronave dhe interesave të Republikës së Kosovës, si dhe mbështetje ushtarake për autoritetet civile dhe pjesëmarrjen në operacionet ndërkombëtare.
