Gjermania me propozim: T’u japim vendeve kandidate për anëtarësim në BE, statusin e vëzhguesit

Picture of Ina Online
Ina Online

02/11/2023

Gjermania ka sjellë një propozim për zgjerimin e Bashkimit Evropian, i cili pritet t’u japë vendeve kandidate si Ukraina përfitime përpara anëtarësimit të plotë .

Siç bëhet e ditur, fitimi kryesor për vendet kandidati do të jetë statusi i vëzhguesit në samitet e liderëve në Bruksel.

Propozimet e ministres së Jashtme gjermane, Analena Burbock, siç raporton The Guardian, përbëjnë një ofertë për integrim të pjesshëm të vendeve kandidate për anëtarësim në BE, shumë kohë përpara përfundimit të negociatave, të cilat mund të zgjasin me vite.

Fjalimi i Burbock u fokusua në mënyrën se si të zhbllokohet procesi i pranimit, i cili siç u shpreh ajo, “është bërë një pikë pengese për disa vende për shkak të shqetësimeve rreth buxhetit, madhësisë së Parlamentit Evropian dhe vendimmarrjes në një bllok prej (potencialisht) 35 vendesh që do të bllokuar nga vetoja e një vendi të vetëm.”

“Pse, për shembull, nuk i ftojmë vendet që kanë përfunduar kapitujt individualë të procesit të anëtarësimit të marrin pjesë në mbledhjet përkatëse të Këshillit si vëzhgues?” Pyeti ajo.

Ministrja gjermane shtoi se në këtë lloj mënyrë, vendet kandidatë do të jenë të pranishëm “kur të vendosim për të ardhmen tonë të përbashkët, në vend që t’i thërrasim vetëm një herë në vit për të dëgjuar raportet e përparimit të komitetit”.

Burbock theksoi se duhet siguruar që njerëzit e vendeve anëtare, veçanërisht të rinjtë, të kenë mundësinë të përfitojnë nga avantazhet e Bashkimit Evropian që më herët, edhe para se vendi i tyre të bëhet anëtar i plotë i Unionit.

Qëllimi, siç tha ministrja gjermane, është të sigurohet që “procesi i anëtarësimit të kryhet në një mënyrë të tillë që të mos lërë një brez të tërë në dhomën e pritjes së BE-së për pjesën tjetër të jetës së tyre”.

Kujtojmë se Ukraina dhe Moldavia u shtuan verën e kaluar në listën e kandidatëve zyrtarë të përbërë nga Shqipëria, Serbia, Kosova, Turqia, Mali i Zi, Maqedonia e Veriut dhe Bosnje-Hercegovina. Gjeorgjia është në proces të paraqitjes së aplikimit.

Javën e ardhshme do të publikohet raporti i BE-së për progresin e tyre, ndërsa, një vendim për negociatat zyrtare pritet në dhjetor.

TË FUNDIT

Kështu festuan ‘Shën Valentinin’ Anita dhe Ramush Haradinaj (FOTO)

FOTO/ Katër banorë të rinj do të futen sonte në ‘BBVA4’

Çfarë e pret përpara në Madrid?

Barcelona mund të transferojë super yllin e Premier Leagues

​Këta janë kandidatët e PDK-së që pritet të jenë pjesë e Kuvendit të Kosovës

BDI kërkon lirimin e shtetasit të Kosovës, që u privua nga liria në vendkalimin kufitar Bllacë

ME TE LEXUARA

1
Kështu festuan ‘Shën Valentinin’ Anita dhe Ramush Haradinaj (FOTO)
1
FOTO/ Katër banorë të rinj do të futen sonte në ‘BBVA4’
1
Çfarë e pret përpara në Madrid?
1
Barcelona mund të transferojë super yllin e Premier Leagues
1
​Këta janë kandidatët e PDK-së që pritet të jenë pjesë e Kuvendit të Kosovës

LEXO MË SHUMË

Kështu festuan ‘Shën Valentinin’ Anita dhe Ramush Haradinaj (FOTO)

FOTO/ Katër banorë të rinj do të futen sonte në ‘BBVA4’

Çfarë e pret përpara në Madrid?

Barcelona mund të transferojë super yllin e Premier Leagues

​Këta janë kandidatët e PDK-së që pritet të jenë pjesë e Kuvendit të Kosovës

BDI kërkon lirimin e shtetasit të Kosovës, që u privua nga liria në vendkalimin kufitar Bllacë