Gjimshiti shënon gol në ndeshjen e veçantë me Atalantan
Berat Gjimshiti ka shënuar golin e parë të edicionit aktual me Atalantan.
Ishte gol i veçantë për kapitenin e Shqipërisë, pasi këtë e ka arritur në ndeshjen e 200-të me fanellën e skuadrës italiane.
Atalanta të enjten mbrëma fitoi në shtëpi kundër Sturm Grazit në Ligën e Evropës. Ndeshja i ka takuar Grupit D kualifikues.
Ai realizoi në minutën e 50-të të ndeshjes pas tollovisë në zonë.
Me këtë fitore, Atalanta e ka siguruar edhe kalimin në fazën nokaut. Ndeshja e parë me skuadrën austriake ishte mbyllur baras, 2:2. Tani Atalanta do të luajë vetëm për vendin e parë në tabelë. Atalanta ka 10 pikë, kurse Sportingu ka shtatë pikë. Deri në fund të fazës grupore kanë mbetur edhe dy ndeshje.
Sturm Grazi mbetet me katër pikë, kurse Rakowi i fundit ka një pikë.
