Gjykata vendosi, Trump mund të mbetet në garë

ina-online
ina-online

04/03/2024

Gjykata Supreme e Shteteve të Bashkuara e ka hedhur poshtë kërkesën e Kolorados për t’ia ndaluar ish-presidentit, Donald Trump, garimin në zgjedhjet primare në këtë shtet.

Kolorado e kishte diskualifikuar Trumpin nga zgjedhjet primare në dhjetor, për shkak të rolit që kishte në trazirat e 6 janarit të vitit 2021, kur mbështetësit e tij sulmuan ndërtesën e Kongresit amerikan.

Gjykata Supreme vendosi të hënën se pushtetin për një vendim të tillë e ka Kongresi dhe jo shtetet.

Vendimi i sotëm nënkupton se Trumpi ka të drejtë të garojë tani në zgjedhjet primare në Kolorado.

“Fitore e madhe për Amerikën”, shkroi Trumpi në rrjetin e vet social menjëherë pas vendimit të Gjykatës Supreme.

Ish-presidenti u ankua më 3 janar ndaj vendimit të Gjykatës Supreme të Kolorados, e cila e diskualifikoi atë nga gara për president, duke thënë se ai e kishte shkelur një amendament kushtetues që u pamundëson të mbajnë poste atyre që janë “përfshirë në kryengritje”.

Pika 3 e Amendamentit 14-të ia ndalon mbajtjen e postit “secilit person të Shteteve të Bashkuara” i cili është betuar për “ta mbështetur Kushtetutën e shteteve të Bashkuara” dhe pastaj “është përfshirë në kryengritje, apo rebelim kundër po të njëjtës, apo u ka ndihmuar armiqtë”.

Por, Gjykata Supreme tha në vendimin e saj se “ne konkludojmë se shtetet mund t’i diskualifikojnë njerëzit nga mbajtja e postit apo tentimi për të mbajtur post publik. Por, Shtetet nuk kanë pushtet në bazë të Kushtetutës për ta përdorur pikën 3 në lidhje me zyrat federale, posaçërisht me presidencën”.

Përveç Kolorados, Trumpit i ishte ndaluar garimi edhe në zgjedhjet primare në Maine dhe Illinois bazuar në Amendamentin e 14-të, por ato vendime ishin pezulluar në pritje të vendimit të Gjykatës Supreme në rastin e Kolorados.

Të gjithë nëntë gjykatësit votuan në favor të Trumpit dhe vendimi i tyre u jap fund pothuajse të gjitha përpjekjeve për t’ia ndaluar Trumpit garimin në zgjedhjet primare në shtetet e tjera.

Trumpi është lider në garën e Partisë Republikane për t’u nominuar kandidat për president dhe gjasat janë shumë të mëdha që ai të përballet përsëri me presidentin demokrat, Joe Biden, në zgjedhjet e përgjithshme presidenciale të nëntorit.

Kolorado, bashkë me 14 shtete të tjera, do të votojnë të martën në një garë maratonike që cilësohet si “Super e Marta”.

Trumpi pritet të fitojë pa ndonjë telash dhe ta mposhtë kundërshtaren e vetme që i ka mbetur, Nikki Haley, në çdo fushëbetejë./rel

TË FUNDIT

ME TE LEXUARA

LEXO MË SHUMË

KESHILLI

Asambleja Parlamentare e Këshillit të Evropës mbështet anëtarësimin e Kosovës

asambleja-kie-keshilli-i-evropes

Rrëzohen propozimet që anëtarësimi i Kosovës të kushtëzohet me themelimin e Asociacionit

IMG_1160

Si kanë votuar shqiptarët në 10 vitet e fundit në Maqedoni? (ANALIZË)

kris hill

“Të ngulet në hu”, kërcënohet me vdekje ambasadori amerikan në Beograd

kosove dhuna grave

Kosovë, 57 gra të vrara në 14 vjet

Dodik

Dodik kërcënon: Nëse votohet rezoluta për gjenocidin serb, do shkëputemi

mickoski-nikoloski

Deputeti i VMRO-së nuk shkoi në Strasburg, ku pritet të votohet anëtarësimi i Kosovës në Asamblenë Parlamentare të Këshillit të Evropës

kurti me kandidatet vv maqedoni

Kurti takon kandidatët e VV-së për deputetë në Maqedoni

mpj22-696x385

Parlamenti Evropian korrigjon gabimin e emrit të shtetit për Maqedoninë e Veriut pas kërkesës së MPJ-së

INFO

NA NDIQ