Kryetari i Kuvendit të Kosovës, Glauk Konjufca me rastin e 27 vjetorit të “Epopesë së Dukagjini”, ka shkuar në Gllogjan .
Ai ka bërë homazhe te varrezat e dëshmorëve.
Gazeta Demos ka publikuar pamjet, ku Konjufca shihet duke e përshëndetur ngrohtësisht me Nasim Haradinajn.
https://www.facebook.com/NeDemos/videos/631241476357243/?ref=embed_video&t=0
27 vite më parë Ushtria Çlirimtare e Kosovës në Gllogjan ka zhvilluar njërën nga betejat më të ashpra me ushtrinë serbe. Kjo ngjarje ndryshe njihet Epopeja e Dukagjinit.
E për nder të kësaj dite, të hënën do të ketë disa aktivitete, e cila njihet edhe si Dita e Dëshmorëve të Dukagjinit dhe fillimit të sulmeve të NATO-s. Manifestimi ka filluar me homazhe nga ora 11:00 te varrezat e dëshmorëve në Gllogjan.
Më 24 mars 1998 në Gllogjan është zhvilluar beteja frontale nga forcat e UÇK-së dhe forcave të armikut, të cilat e kishin rrethuar Gllogjanin.
Synim kishin shtëpinë e familjes Haradinaj, ku hasën në rezistencë të fuqishme nga Ushtria Çlirimtare e Kosovës udhëhequr nga Ramush Haradinaj. Në këtë ditë ranë dëshmorë Himë Haradinaj, Gazmend e Agron Mehmetaj.
